Այսօր անունդ չեմ ուզում հիշել,
Քո հուշը սիրտս չի ուզում հուշել,
Չեմ ուզում նշել, չեմ փորձում հիշել
Կորած անունդ մուժում մշուշե:
Սերդ այսօր հեռացավ
Իմ բախող սրտից անծայր,
Սիրտս քեզ էլ մոռացավ,
Երբ որ դու էլ հեռացար:
Դարի դուստր վայրկյանում
Դու իմ կյանքից վերացար,
Չէիր եղել իրականում,
Որ հիմա անհետացար:
Թե միրաժ էիր, չար պատրանք,
Անապատը վերջացավ.
Չկա թախիծ կամ բերկրանք,
Չկա անգամ այրող ցավ:
Գուցե սիրտս կարծրացել է
Քո հարվածներից բազում,
Բայց այն սերդ կորցրել է
Իմ բախտի հետ գրազում:
2009
No comments:
Post a Comment