«Ես քեզ սիրում եմ կյանքից առավել»-
Խոստովանություն է,
Ոչ թե շուրթերիցս ժամ առաջ հնչած
Ինքնասպանության մի հարկադրություն:
«Գովում եմ քեզ, թեկուզ պիտի պարսավեմ»,-
Սիրո հարություն է
Ոչ թե «խղճի խայթ» ծնողից ծնված
Չհամադրվող մի հակադրություն:
«Մնա իմ կողքին, մի դառնա երազ»,-
Սրտի փրկություն է,
Ոչ թե թագուհու կամքով կատարված
Անբեկանելի մի կարգադրոթյուն:
«Դու պիտի գնաս անդարձ, հավիտյան»,-
Մարգարեություն է.
Ոչ թե չսիրող մի դաժան սրտի
Բաղձալի, սպասված, անկեղծ ցանկություն:
«Չես լսում դու ինձ, ավաղ, հեռու ես»,-
Սիրո սպանություն է.
Ոչ թե «ժամանակ» բժշկի բուժած
Թեթև, անցողիկ մի հիվանդություն...
«Քեզ կմոռանամ, չեմ կորցնի ինձ ես»,-
Վերածնություն է.
Ոչ թե խուլ հիվանդ երազի ստեղծած
Մի վառ, գունավոր խելագարություն...
04.06.11
No comments:
Post a Comment