Իմ ու քո միջև





Իմ ու քո միջև դեռ փրփրում է անցյալը,
Ագռավներին դասեր տալիս՝ ինչպես մարդկանց ջահել,
Ինձ ցույց տալիս, ասում՝ սուտ է մնացյալը,
Նրան նայեք, տեսեք՝ ինչպես պետք չէ սիրել...

Իմ ու քո միջև էլ աշխարհներ չկան,
Սահմանները ջնջվել են՝ ինչպես ներկը պատից,
Նրանք չեն տեսնի էլ այն աղջկան,
Որ ագռավ տեսնում՝ դողդողում էր վախից...

Իմ ու քո միջև լոկ տրորված քայլեր են,
Որոնցով շատերն են սև ագռավներ դարձել.
Ես սոսկ վրիպել եմ՝ քեզ կոչել եմ ընկեր,
Իսկ ագռավներին ինձ թշնամի կարծել...


No comments:

Post a Comment