Փողոցները այսօր երկփեղկվում են
Ու հալվում ու խոսում ու հոսում,
Փողոցներն իմ առաջ երբ ճեղքվում են,
Քո լույսով է հավերժն ակոսվում...
Փողոցում ինձ փնտրող մի անցորդ,
Ինձ կանչում է մայթից դիմացի.
-Դիմացի՛ր արևի դու ճամփորդ,
Դիմացի՛ր, ի՛մ աղջիկ, դիմացի՛ր...
Նա կանցնի, ու ես էլ չեմ մնա,
Կհալվեն փողոցները բախտի,
Դիմանում, դիմանում եմ ես տե՛ս,
Դու՛ անցորդ դիմացի մի մայթի...
No comments:
Post a Comment