Ո՞վ է ասել



Ո՞վ է ասել, որ չի կարող
Մարդը մի օր վերև թռչել,
Որ պարտք ունի՝ ողջ իր կյանքում
Նա այս երկրից ամուր կառչել...


Որ չի կարող մարդը լինել
Գահավիժող ջրվեժի պես,
Ջրհորի պես լինել անտակ
Ու սառն լինել վրեժի պես...


Ո՞վ է ասել, որ չի կարող
Մարդն ագռավից կարապ սարքել,
Որ չի կարող երկինք ներկել,
Ծիածանով կրակել գույն
Ու գիշերով աստղեր հերկել...


Ո՞վ է ասել, որ չի կարող
Մարդը սպանել անգույն կարոտ,
Սառցարանի դռների մոտ,
Լինել սառած երջանկություն
Ու «սառցե ցավ» կնքված անոթ...


Ո՞վ է ասել, որ չի կարող
Մարդը քերել, քերծել բարին,
Կյանք նվիրել խճաքարին,
Աղաղակից երգեր քամել
Ու սոսնձել վատը լավին...


Ո՞վ է ասել, որ չի կարող
Մարդը մարդ դառնալ կրկին,
Ամուր սեղմել ձեռքում հոգին,
Արցունքի մեջ արև գտնել
Ու բույն շինել լույսի կողքին...


Ո՞վ է ասել, որ չի կարող
Մարդը փրկվել խավարից.
Ես դրան այսօր, այստեղ
Չեմ հավատում. ներեցե՛ք ինձ...


13.02.12







No comments:

Post a Comment